Ønskar større satsing på norske forressursar og utmarksbeite

Næringskomiteen har handsama jordbruksoppgjeret. Stortinget skal handsame jordbruksoppgjeret førstkomande torsdag.

For fjellbygdene og statsallmenningane er det satsing på norske forressursar som er mest aktuelt. Fram til jordbruksforhandlingane i 2021 er partane einige om at Landbruksdirektoratet får i oppdrag å vurdere forbetring av verkemidlane med sikte på auka norsk fôrproduksjon. Utgreiinga skal vurdere grovfôrkvalitet, klimavenleg fôring, auka norsk produksjon av proteinvekstar og produksjonsmåtar som baserer seg på norske ressursar, beiting og utmark.  

Satsane for fleire tilskott aukast, bl.a. driftstilskott til ku- og geitemjølkproduksjon, husdyrtilskottet og utmarksbeitetilskottet.